الجنة فى بيوتنا



 
الرئيسيةالبوابةس .و .جبحـثالتسجيلدخول

شاطر | 
 

 حبايبى الصغيرين الحلووووووووووووووووووووين

اذهب الى الأسفل 
كاتب الموضوعرسالة
نشوى
مشرف
مشرف
avatar

انثى
عدد الرسائل : 32
العمر : 37
دعاء :
الاوسمة : 0
تاريخ التسجيل : 29/05/2008

مُساهمةموضوع: حبايبى الصغيرين الحلووووووووووووووووووووين   الخميس 29 مايو - 0:59

الموضوع ده كنت عاملاه زمان لما كنت باحكى حكايات لاقاربى الصغيرين
دلوقتى باعمله علشان فاطمة ابنتى لازم مع الأكل او قبل النوم نحكى حدوته ......طبعا عندى كتب حواديت و قصص و انا بألف حواديت علشان اعلمها مواقف معينه بس الصراحه حواديت زمان لها طعم تانى عندى مخزون من حواديت ماما -ربنا يديها الصحه- اللى واخدها من مامتها ...ايه رأيكم كل واحد يقول على حدوته من بتاعة ماما او تيته و نتبادل الحواديت و بالمرة نفتكر ايام زمان

أول حدوتة أحكيها لكم هى ......

محروس بياع العرقسوس:كان فيه ولد اسمه محروس و كان بيروح المدرسه ووالده بياع عرقسوس و لكن ابوه تعب فى يوم فقرر محروس انه يبيع العرقسوس بداله و هو بيبيع فى السوق شافه الأمير اللى كان بيراقب احوال الرعية و لما داق العرقسوس و سمع الحكايه اعطى له فلوس كتير و قاله كل يوم تيجى لى القصر تجيب العرقسوس وتاخد الفلوس و تروح مدرستك و فعلا بس صاحب محروس الوحش -مش فاكره اسمه- لما سأل محروس عن احواله الجديده حكى لى الحكايه طبعا صاحبه اخد معاه عرقسوس و طلع على قصر الأمير و طلب مقابلته و لما قابله قاله انا صاحب محروس و بابيع زيه عرقسوس و جاى اقول لسموك ان محروس بيقول ان ريحه فمك بيتضايق منها جدا و حتى بالأمارة لما تشوفه حاتلاقيه بيدور وشه الناحيه التانيه و علشان كده حبيت انبهك و انا مستعد اكون بداله ....و طبعا طلع على محروس و قال له انا قريبى بيشتغل فى قصر الأمير و بيقول ان الأمير بيعطف عليك لكن بيتضايق جدا من ريحتك و انه لولا مساعدته لك و لأسرتك كان طردك ......طبعا محروس ذهب كالمعتاد للأمير و ابتدأ يوجه كلامه للأمير و هو بيدير وجهه عنه و من بعيد لبعيد علشان ما يضايقهوش و الأمير صدق وشاية صاحبه .....و لما مشى طلب الأمير الحراس لما يجى الولد بتاع العرقسوس يضربوه و يطردوه ......محروس قرر ما يروحش تانى للأمير و لما صاحبه راح القصر و معاه العرقسوس الحراس ضربوه و بهدلوه و اعترف بالحقيقه للأمير و توته توته فرغت الحدوته ...............
تتعلموا منها ايه يا حلوين ........

هوووووووووووووووووووووووو نام نينا نام هوووووووووووووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نشوى
مشرف
مشرف
avatar

انثى
عدد الرسائل : 32
العمر : 37
دعاء :
الاوسمة : 0
تاريخ التسجيل : 29/05/2008

مُساهمةموضوع: رد: حبايبى الصغيرين الحلووووووووووووووووووووين   الثلاثاء 3 يونيو - 4:10

احكي حدوته للاطفال اللي ما بيحبوش المدرسه
كان يا ما كان كان فى غابه كبيره جميله فيها حيوانات بيحبواالخير لبعضهم
وفي يوم العصافير : ازيك يا فلافيلو عامل ايه مش حتيجي معانا المدرسه يا فلافيلو
فلافيلو: ايه انا مش محتاجه المدرسه في اااى حاجه انا غني قوى قوى وممكن اشغلكم عندي كمان ها هاها
العصافير :شوفت يا ارنوب فلافيلو مغرور ازاي
ارنوب : طيب انا حعلمه درس مهم
ارنوب : ازيك يا فلافيلو بقولك ايه انت فعلا غني
فلافيلو :طبعا وممكن اشتري اى حاجه
ارنوب :بس انا شايف انك ما عندكش مثلا حصان زى الاغنياء انت لازم تشتري حصان وانا حساعدك بس هات الفلوس اللى معاك وانا حاعدها لانك ما بتعرفش تعد وحشتري لك 2بيضه للحصان (حجاره )عشان لما تقعد عليهم يبقوا بتوعك لوحدك ولازم تقعد علي البيض لمده اسبوع واحده لونها بني وبيضه سمرا
فلافيلو :شكرا يا ارنوب (بغرور) خد
مضي الاسبوع وفلافيلو قاعد علي البيض (الحجاره) وااحيوانات تعدى تضحك عليه
فلافيلو : اوففففففففففففف انا زهقت هو ارنوب ضحك عليا وجاب لى بيض بايظ ومسك البيضه البني ورماها وقعت في المياه
طيب لما اشوفك يا ارنوب ورمي البيضه السمرا وقعت ورا الشجره كان نايم وراها حصان صغير لونه اسمر وفعت الطوبه عليه جري وهو يصرخ
شافه فلافيلو قال الحقوووووووووه امسكوووووووووه حصانييييييييييييييييييييييييييي
ضحكت الحيوانات عليه وقاله ارنوب يا فلافيلو انا حبيت اعلمك درس خدناه كلنا في المدرسه هو ان الحصان بيولد مش بيبيض والدرسه بتعلمنا حاجات كتيره ومفيده
شكرهم فلافيلو وقالهم انا اتعلمت الدرس خلاص حاروح كل اليوم المدرسه واتعلم
وتوته توته خلصت الحدوته
لو حلوه رودوه عليا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ياسمين
عضو
عضو
avatar

انثى
عدد الرسائل : 8
العمر : 23
دعاء :
الاوسمة : 0
تاريخ التسجيل : 26/05/2008

مُساهمةموضوع: رد: حبايبى الصغيرين الحلووووووووووووووووووووين   الثلاثاء 3 يونيو - 9:06

شكـــرااااااا ياطنط حدوتة حلوة خالص
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
admin
Admin
Admin


ذكر
عدد الرسائل : 1074
العمل/الترفيه : مدير المنتدى
احترامك لقوانين المنتدى :
دعاء :
الاوسمة : 0
تاريخ التسجيل : 15/05/2008

مُساهمةموضوع: رد: حبايبى الصغيرين الحلووووووووووووووووووووين   الجمعة 6 يونيو - 8:33

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eljanaonmyhome.yoo7.com
 
حبايبى الصغيرين الحلووووووووووووووووووووين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الجنة فى بيوتنا :: ركن الاطفال-
انتقل الى: